旺角最抵食嘅泰國菜，泰式風味二人餐都只係$198！而且份量勁多，兩個男仔食都會超飽飽😋
頭盤有泰式木瓜沙律、泰式拼盤同時菜一碟，拼盤包括日式沙嗲串燒4串、春卷2件、咖喱角2件，全部都好香口滋味。主菜有2份，我地叫左泰式海南雞飯同泰式香葉肉碎飯，其他仲有脆雞扒飯同蝦餅飯，而且全部都可以轉撈麵底，姐係有八款主食比大家揀。海南雞飯嘅油飯好香好入味，雞肉都算嫰滑。香葉肉碎飯就辣辣地，肉粒炒到乾身，配白飯都可以食哂成碗，味道比較重，鐘意食濃味嘅朋友仔可以試下。全部主菜都有送雞湯架！套餐飲品點左我最愛嘅紅豆冰，泰式椰汁紅豆冰椰奶味夠香，不過紅豆就少左dd。
仲單左點一份泰式生菜包，食泰國菜必食！有成十幾塊生菜，肉碎都好多，同香葉肉碎飯係唔同味架，自己包黎食好滿足。最後係炸蝦餅，勁香脆，切開一半又容易入口。
泰角海南雞 (旺角)
旺角通菜街1M-1T華發大廈地下F號舖
#泰角海南雞 #hkfoodie #foodie
Search